Azərbaycan Dövlət İdarələri və İctimai Xidmət İşçiləri Həmkarlar İttifaqı Respublika Birliyinin (ADİİXİ Hİ RB) Xətai Rayon Komitəsinin təşəbbüsü ilə şəhid Ceyhun Həsənovun əkiz övladları Cahid və Cavidanın 7 yaşının tamam olması münasibətilə ailəyə ziyarət təşkil olunub.

Ziyarət zamanı Cahid və Cavidana 7 ad günləri münasibətilə səmimi təbriklər və xoş arzular çatdırılıb, onlara müxtəlif hədiyyələr təqdim edilib. Görüşdə həmçinin Vətən uğrunda canından keçən şəhidimiz Ceyhun Həsənovun əziz xatirəsi dərin ehtiramla yad olunub.