Dövlət orqanlarında, işəgötürənlərin birliklərində, digər ictimai və siyasi təşkilarda öz üzvlərinin və təşkilatlarının qanuni hüquq və mənafelərini müdafiə edir.

Əmək şəraitinin yaxşılaşdırılmasına, həmkarlar ittifaqı üzvlərinə müasir standartlara cavab verən sağlam və təhlükəsiz iş şəraitinin, ekoloji təhlükəsizliyin və ətraf mühitin mühafizəsinin təmin edilməsinə dair təkliflər verir.

Hüquqi təmsilçiliyin və müdafiə sahəsində həmkarlar ittifaqları öz üzvlərinin əmək, sosial-iqtisadi və peşə hüquqlarını qoruyur. Əsas müdafiə tədbirlərinə üzvlərin maraqlarının məhkəmədə təmsil olunması, əmək qanunvericiliyinə əməl olunmasına nəzarət, kollektiv danışıqların aparılması, əsassız işdən çıxarılma vəya iş şəraitinin pozulması hallarında yardımın göstərilməsi daxildir.