Daxili İşlər Nazirliyi Birləşmiş Həmkarlar İttifaqı Komitəsi təşkilatlarda çalışan əməkdaşların sosial rifahının yüksəldilməsi və daha komfortlu əmək şəraitinin təmin edilməsi məqsədilə növbəti sosial təşəbbüs həyata keçirib. Tədbir çərçivəsində Komitə tərəfindən 8 təşkilata yeni su dispenserləri təqdim olunub.
Həyata keçirilən bu təşəbbüs əməkdaşların gündəlik tələbatlarının qarşılanmasına, eləcə də sağlam və rahat iş mühitinin formalaşdırılmasına xidmət edir.
DİN Birləşmiş Həmkarlar İttifaqı Komitəsi üzvlərinin sosial müdafiəsinin gücləndirilməsi və iş şəraitinin yaxşılaşdırılması istiqamətində bu növdən olan sosial layihə və tədbirlərin gələcəkdə də davam etdirilməsini planlaşdırır.
